Wehyat Alby W Afrahu

وحياة قلبي وافراحه
وهناه في مساه وصباحه
ما لقيت فرحان بالدنيا
زي الفرحن بنجاحه

كان حلم جميل في خيالنا
ولا غابش في يوم عن بالنا
وبنالنا قصور وفرشنا زهور
لحياتنا ومستقبلنا

ولقتني في عز هنايا
والدنيا فرح ويايا
بتهني حبايبي معايا
ونقول للكل ارتاحوا
ده مافيش فرحان بالدنيا
زي الفرحان بنجاحه

الناجح يرفع ايده
ويغني في عيدنا وعيده
ويقول ونقول دايما
ناجحين على طول دايما
ونجاحنا يطول دايما
دايما على طول دايما

كلمات: فتحي قورة
ألحان: منير مراد
غناء: عبدالحليم حافظ