Ya Salam Ala Hoby We Hobak

(شاديه):
يا سلام على حبي وحبك
وعد ومكتوب لي احبك
ولا انامش الليل من حبك
يا سلام على حبي وحبك

(فريد):
يا سلام على حبى وحبك
ده ما كان على بالي احبك
ولا انامش الليل من حبك
يا سلام على حبي وحبك

(شاديه):
يا حبيبي هواك جنني
والشوق ملاني جراح
وحياتك تبعد عني
وتسبني علشان ارتاح

(فريد):
وانا يعني ماسك فيك
مهو قلبي مشغول بك

(شاديه):
حبك حيرني

(فريد):
وانا زيك برضه

(شاديه):
ربي يصبرني

(فريد):
ايوه انا في عرضه

(شاديه):
اعذرني لاني بحبك
ما بنامش الليل من حبك
ياسلام على حبي وحبك

(فريد):
مش ممكن اعيش من بعدك
ده خيالك جنبي ليلاتي
وبقول لو ربنا ياخدك
كنت اعمل ايه يا حياتي

(شاديه):
ان شاالله انت يا حبيبي
يا هنايا وكل نصيبي
هولع في روحي يا قبلي وعنيا

(فريد):
لا اوعى يا روحي ده واجب عليا

(شاديه):
من ساعة قلبي ما حبك
ما بنمش الليل من حبك
يا سلام على حبي وحبك
وعدو ومكتوب لي أحبك
يا سلام على حبي وحبك

(شاديه):
حبتني صحيح ؟

(فريد):
أُمال

(شادية):
أتاريني بقيت فرحانة

(فريد):
عقبال كل العزال يتهنوا زي هنانا

(شاديه):
شوف وشي اصفرّ ازاي من حبك

(فريد):
شوفي جفني احمرّ ازاي من حبك

(شاديه) :
هتعيش يا روحي معايا ده انت حياتي ودنيتي
كفاية حب كفاية أحسن يضَر بصحتى

(شادية & فريد):
يا سلام على حبي وحبك
ما بنامش الليل من حبك
يا سلام على حبي وحبك
وعدو ومكتوب لي أحبك
يا سلام على حبي وحبك

كلمات: فتحي قورة
ألحان: فريد الأطرش
غناء: فريد الأطرش