انا عندي حنين

أنا عندي حنين ما بعرف لمين
ليليّة بيخطفني من بين السهرانين
بيصير يمشيني لبعيد يوديني
تا أعرف لمين وما بعرف لمين

عديت الأسامي ومحيت الأسامي
ونامي يا عينيي إذا راح فيكي تنامي
وبعدو هالحنين من خلف الحنين
بالدمع يغرقني وبأسامي المنسيين
تا أعرف لمين وما بعرف لمين

أنا خوفي يا حبي لتكون بعدك حبي
ومتهيألي نسيتك وأنت مخبى بقلبي
وبتودي الحنين ليليّة الحنين
يشلحني بالمنفى بعيونك الحلوين
تا أعرف لمين وما بعرف لمين

كلمات: جوزيف حرب
ألحان: زياد الرحباني
غناء: فيروز