عندي كلام

عندي كلام وخاطري لك أقوله
وأبغيك تفهم مقصدي يا أريش العين
مـاحدٍ جبرك ولكل شـخص ميوله
وترى الصراحة راحةٍ بين الاثنين

الحب أكبر من كلام نقوله
وأكبر من اللي ينكتب بالدواوين
تـوك صغير تعـيش سن الطفولة
وين المحبة و إنت يا معذبي وين

عذرك اعرفه كل يوم تقوله
آسف حبيبي قلتها بالملايـين
أفهم ترى ولكل شي أصوله
والحب له ناس على العهد وافين

قررت أنا أبعد وأتركك بسهوله
وأترك حياة عشتها بـين نارين
راعي المثل صادق و يا زين قوله
ما تنجبر روح على روح يا زين

كلمات: عيد الشمّري
ألحان: عيد الشمّري
غناء: آريام