صوتك يكفيني

صوتك يكفيني بلا شوف
هل كيف في شوفك ولاماك
ولا حس ابتكلّف ولا خوف
لا شفت بسمة من ثناياك

ارجوك يا سيد المها روف
وش خانة الدنيا بليّاك
ما اظن قلبي لغيرك إيشوف
ما دمت حي و آشوف روياك

تنشل يديل ٍ فوق لردوف
أسوَد شراة الليل غطّاك
يا مخضّب الحنّا في لكفوف
يا السولعي محلا دعاياك

حزت الجمال وحزت لوْصوف
سبحان من صوّر وسواك
واعطاك حسن ٍ يخجل الشوف
وعلى جميـع الخـود بدّاك

كلمات: الشيخ زايد ال نهيان
ألحان: علي كانو
غناء: أريام