ان راح منك يا عين

ان راح منك يا عين هيروح من قلبي فين
ده القلب يحب مرّة ميحبش مرّتين
ميحبش مرّتين

الحب اللي فى قلوبنا الناس فاكرينه ايه
ده شاغلنا مهما تبنا ولّا حلفنا عليه
ومهما بعدنا عنه نسيانه اقوى منه
وتخافي ليه يا عين هيروح من قلبى فين
ده القلب يحب مرّة ميحبش مرّتين
ميحبش مرّتين

وحياة اللي جرالي وياه من غير معاد
لاسهّره الليالي واحرّمه البعاد
وأطفّي بناره ناري، وأخلص منه تاري
ولا يهمك يا عين، هيروح من قلبي فين
ده القلب يحب مرّة ميحبش مرّتين
ميحبش مرّتين

اياه يقسى عليّا اياه ينسى اللي كان
لسه الليالي جايّة وأكتر من زمان
ويا حيرته آه يا ويله في نهار الشوق وليله
خليه يروح يا عين هيروح من قلبي فين
ده القلب يحب مرّة ميحبش مرّتين
ميحبش مرّتين

كلمات: فتحي قورة
ألحان: منير مراد
غناء: شادية