قولوا لعين الشمس ما تحماشي

قولوا لعين الشمس ما تحماشي
احسن حبيب القلب صابح ماشي
ماشي حبيبي ماشي ماشي بكره ماشي

قولوا لعين الشمس ما تحماشي
احسن حبيب القلب صابح ماشي

يا حمام يا حمام طير قبله قوام يا حمام
خلي له الشمس حرير يا حمام
ويا ناس لو غاب يا ناس
خلوه يبعتلي سلام
دي الآه يقولها وهو ما يدراشي
وف بعده طعم الدنيا ما يحلاشي
قولوا لعين الشمس ما تحماشي

يا حنان ايام ولا حتى اشوف احلام
ايام وازاي لو غاب حتفوت الايام
ويا ناس لو غاب يا ناس خلوه يبعتلي سلام
دي الآه يقولها وهو ما يدراشي
وف بعده طعم الدنيا ما يحلاشي
قولوا لعين الشمس ما تحماشي

اه يا ناس مطرح خطاويه ما تروح
اسقوه بحنان اسقوه وادو له الروح
وقولوله لو غاب يا ناس
لو غاب يبعتلي سلام
دي الآه بيقولها وهو مايدراشي
وف بعده طعم الدنيا مايحلاشي
قولوا لعين الشمس ما تحماشي

كلمات: مجدي نجيب
ألحان: بليغ حمدي
غناء: شادية