كنتو هنين

كنتو حناين ليش غيرتو
قلبي إنضنى والبال حيرتو
كنتو تحنّو وترحمو المشتاق
متل العوازل بالهوى صرتو

بعدو هواكن عندنا غالي
من بعدكن هالقلب سكّرتُه
إيامكن بتعّن ع بالي
عالتجافي ليش بكرتو

وحياة رفّة عينك الحلوة
قصر الوفا عالصخر عمّرتُه
بالقلب لمّن لحظك بيكوي
بتحرق حنايا الصدر مجمرتُه
الله على الفرقة يصبرنا
المكتوب بالدمعات حبّرتُه
نحنا عليكن ما تكبرنا
ليش تا علينا تا تكبّرتو

كلمات : أسعد السبعلي
ألحان : وديع الصافي
غناء: وديع الصافي