خبطة قدمكم

يا قمر مشغرة يا بدر وادي التيم
يا جبهة العالي وميزرة بالغيم
قولوا إنشالله القمر يبقى مضوي وقمر
لا يطال عزه حدا ولا يصيب وجهه ضيم

خبطة قدمكن عالأرض هدارة
إنتوا الأحبا وإلكن الصدارة

خبطة قدمكن عالأرض مسموعة
خطوة العز وجبهة المرفوعة
ويا حلوة اللي عالحلى عم توعى
عنقك العقد وإيدك الإسوارة

طالع عشهب النار مهرك طالع
والبرج بالزينة الغريبة والع
ضحكت صبية وحليت المطالع
شعرك قصيدة والخصر زنارا

طيري وخلي هالقلوب يطيروا
بلكي الهوا بيبعد نواطيره
يا صبح ورد وزقزقوا عصافيره
إنت الهوى يا نجمة القمارة

كلمات: الأخوين رحباني
ألحان: الأخوين رحباني
غناء: فيروز