كلو ماشي

كله ماشي ماشي
يا دنيا خلاص مبقاشي
الناس الايام دي بتدور
على الحب ومبتلقاشي
رخصتي يا دنيا الغالي
وغليتي اللي ميسواشي

ماشي وسلمت امري
ضيعت يا قلبي عمري
علشان نلقى حبايب
يستاهلوا ما لقناشي
اه يا عيني
الناس الايام دي بدور
على الحب ومبتلقاشي
رخصتي يا دنيا الغالي
وغليتي اللي ميسواشي

ماشيين والدنيا غابة
واحنا فيها غلابة
ننده ع الصبر يابا
والصبر ما جاوبناشي
اه يا عيني
الناس الايام دي بدور
على الحب ومبتلقاشي
رخصتي يا دنيا الغالي
وغليتي اللي ميسواشي

امانه تحبوا امانه
وانسوا يا ناس الملامه
دا احنا ياللا السلامة
على بعض ما نتواصاشي
اه يا عيني
الناس الايام دي بدور
على الحب ومبتلقاشي
رخصتي يا دنيا الغالي
وغليتي اللي ميسواشي

كلمات: سيد مرسي
موسيقى: بليغ حمدي
غناء: محرّم فؤاد