شاقني لحن الحمام

شاقني لحن الحمام
لي على الاغصان شادي
من سمعته يا سلام
كيف يلعي من لودادي

لي يغرد بانتظام
في الحونه للعبادي
مسهرني ما انام
معلنٍ عندي الحداد

زاد بي كثر الغرام
لين قمت والعي وانادي
اسعفوني يا كرام
لو خذوني للمزادي

مستصيبٍ في العظام
ما تهني بذوق زادي
صار جسمي كالحطام
والسبب كثر العنادي

لو حكمني بالعدام
اهون من الابتعادي
هو ملكني بالزمام
منيتي اوغاية مرادي

جاوب اورد الكلام
يا مليكا في فوادي
لا تعذبني حرام
واتعمد في نفادي