يا طير وضبتك بتدريب

يا طير وضبتك بتدريب أبغي اصاوع بك هدادي
لي طارن الربد المهاريب لي ذايرات من العوادي

القفلهن عساك ما تخيب واقصد لقايدهن عنادي
خمه براسه خمت الذيب وعليك ما ظنيه بادي

وخل الهبوب تروح وتجيب ريش شعيع عقب المصادي
واللي سبق طيره بلاطيب بيتم في حزنه ينادي

عند اخويانا والاصاحيب كلن بخبره بايسادي
وان ما ضوى ودوله الجيب تزهاب والطبخه عنادي

كلمات: زايد بن سلطان آل نهيان
ألحان: فايز السعيد
غناء: خالد عبد الرحمن